ភ្នំពេញ ៖ ក្នុងឆ្នាំ ២០២៥កន្លងទៅនេះ រោងចក្រធុនធំចំនួន៧០០រោងចក្រ បានបើកដំណើរការ និងចំនួន៤២រោងចក្របានបិទទ្វារ ។ នេះ បើតាមរបាយការណ៍របស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ។
បើតាមរបាយការណ៍ដដែលនេះឱ្យដឹងថា គិតត្រឹមដំណាច់ឆ្នាំ ២០២៥ រោងចក្រធុនធំដំណើរការមានចំនួន ៣.០៨៣រោងចក្រ ស្ថិតនៅក្នុង២៥រាជធានី-ខេត្ត មានការកើនឡើងចំនួន ៦៥៨រោងចក្រឬស្មើនឹង ២៧,១៣ភាគរយ បើធៀបនឹងឆ្នាំ ២០២៤កន្លងទៅនេះ ។
រោងចក្រធុនធំកើតថ្មីទាំង ៧០០នេះ ស្ថិតនៅក្នុង១៩រាជធានី-ខេត្ត ដោយមានការកើនឡើងចំនួន ៣៧៤រោងចក្រ ឬស្មើនឹង ១១៤,៧២ភាគរយ បើធៀបនឹងឆ្នាំ ២០២៤ ។ ក្នុងឆ្នាំ ២០២៥កន្លងទៅនេះដែរ នៅទូទាំងប្រទេសកម្ពុជាក៏មានរោងចក្រធុនធំបិទទ្វារចំនួន៤២រោងចក្រផងដែរ ដែលមានទីតាំងស្ថិតនៅ៧រាជធានី-ខេត្តមានការកើនឡើង១៦រោងចក្រធៀបនឹងឆ្នាំ ២០២៤ ៕
