រាជធានីភ្នំពេញ ៖ កម្លាំងសមត្តកិច្ចការរិល័យនគរបានព្រហ្មទណ្ឌ កម្រិតធ្ងន់រាជធានីភ្នំពេញ កាលពីថ្ងៃទី១៦ ខែមករា ឆ្នាំ២០២៦ បានធ្វើការឃាត់ខ្លួនមន្ត្រីរាជការម្នាក់បញ្ជូនទៅតុលាការ ដោយជាប់ចោទពីបទ.រំលោភលើទំនុកចិត្ត និងមិនបំពេញកាតព្វកិច្ចចំពោះឧបករណ៍អាចជួញដូរបាន ពោលគឺចេញមូលប្បទានប័ត្រ «សែកស្អុយ» ប្រមាណ៥ ម៉ឹនដុល្លារអាមេរិក ឲ្យទៅភាគឺដើមចោទ ។នេះបើយោងតាមអង្គភាពសារព័ត៌មាន ណាញធីវី ទទួលបាននាព្រឹកថ្ងៃទី២៨ ខែមករា ឆ្នាំ២០២៦នេះ។
ជនសង្ស័យមានឈ្មោះ កែវ ច័ន្ទនរ៉ា ភេទប្រុស អាយុ៣៥ ឆ្នាំ មុខរបរ មន្ត្រីរាជការ ស្នាក់ផ្ទះលេខ៣១ ផ្លូវ១២២ ភូមិ៩ សង្កាត់មិត្តភាព ខណ្ឌ៧មករា រាជធានីភ្នំពេញ ។
ជនសង្ស័យត្រូវបានសមត្តកិច្ចនាំខ្លួនតាមដីកាបញ្ជារបស់លោក ឆាយ ហុង ព្រះរាជអាជ្ញារងអមសាលាដំបូងរាជធានីភ្នំពេញ តាមពាក្យបណ្តឹងរបស់អាជីវករម្នាក់ នៅសង្កាត់បឹងកក់ទី១ ខណ្ឌទួល គោក រាជធានីភ្នំពេញ ពីបទ.រំលោភលើទំនុកចិត្ត (មិនបំពេញ កាតព្វកិច្ចចំពោះឧបករណ៍អាចជួញដូរបាន) ដោយប្រើប្រាស់ចេញមូលប្បទានប័ត្រគ្មានសាច់ប្រាក់”សែកស្អុយចំនួន៥ ម៉ឺនដុល្លារអាមេរិក ប្រព្រឹត្តកាលពីអំឡុងឆ្នាំ២០២៥ ។
សូមបញ្ជាក់ថា សំណុំងខាងលើនេះ មកដល់ព្រឹកទី១៧ ខែមករា ឆ្នាំ២០២៦ តំណែងអយ្យការបានបញ្ចប់ការបើកការស៊ើបសួរហើយ ដោយកំពុងស្ថិតការពិចារណាត្រូវបន្តនីតិវិធីទៅមុខទៀត ទោះជាយ៉ាងណា អង្គភាពសារព័ត៌មាន ណាញធីវីនឹងធ្វើពីប្បន្នភាពរឿងនេះបន្ថែមនៅវគ្គក្រោយ៕ ដោយ៖ នាគក្រហម
