គ្រឿងចក្រធ្វើសកម្មភាពរុករករ៉ែ កាប់គាស់កាយដីភ្នំសម្បត្តិធម្មជាតិខ្មែរ ដ៏កំរ៉ ខណៈដែលសាធារណជននៅតែបន្តឲ្យអាជ្ញាធរផ្អាកសកម្មភាពរបស់ក្រុមឈ្មួញទាំងនេះ

ខេត្តកំពត : គ្រឿងចក្រធ្វើសកម្មភាពរុករករ៉ែ កាប់គាស់កាយដីភ្នំសម្បត្តិធម្មជាតិខ្មែរ ដ៏កំរ៉ ដែលធ្វើឲ្យប៉ះពាល់ខ្លាំងទាំងសម្បត្តិរដ្ឋ និងបរិស្ថាន នេះបើយោងតាមប្រភពព័ត៌មានដែលអង្គភាពសារព័ត៌មាន ណាញធីវី ទទួលបាននារសៀលថ្ងៃទី២៦ ខែកុម្ភៈ ឆ្នាំ២០២៦នេះ។

ប្រភពបានបន្តថា មានទីតាំងរុករករ៉ែមួយចំនួនដែលស្ថិតនៅក្នុងភូមិសាស្ត្រ ភូមិជ័យសេនា ឃុំតាកែន  ស្រុកឈូក ខេត្តកំពត ថាមានគ្រឿងចក្រមួយចំនួនបានធ្វើការគាស់កកាយដីភ្នំដើម្បីរុករករ៉ែរបស់បណ្ដាក្រុមការងារគ្រឿងចក្រទាំងអស់នោះ។

ជុំវិញការលើកឡើងទៅលើនេះអង្គភាពសារព័ត៌មានរបស់យើងគោរពស្នើសុំ :

សូមគោរពស្នើសុំឯកឧត្តម កែវ រតនៈ   រដ្ឋមន្ត្រីនៃក្រសួងឧស្សាហ៍កម្មរ៉ែ និងថាមពល សូមចាត់មន្ត្រីដើម្បីធ្វើការពិនិត្យ និងស្រាវជ្រាវនៅទីតាំងដែលស្ថិតនៅក្នុងភូមិសាស្ត្រខាងលើដោយការគោរព។

សូមគោរពឯកឧត្តមបណ្ឌិត ម៉ៅ ធនិន បញ្ជាការនៃគណៈបញ្ជាការខេត្តកំពតសូមចាត់មន្ត្រីដើម្បីជួយត្រួតពិនិត្យលើទីតាំងភូមិសាស្ត្រខាងលើនេះដោយការគោរពដ៏ខ្ពង់ខ្ពស់ខ្ពស់។

សូមជំរាបដំណឹងជូនលោក សោម វិចិត្រ ប្រធានមន្ទីរ រ៉ែ និងថាមពល ខេត្តកំពត ជ្រាបជាព័ត៌មាន។

អង្គការសង្គមស៊ីវិល ក៏ដូចជាសាធារណជនទូទៅ សង្ឃឹមថា អាជ្ញាធរ និងមន្ត្រីជំនាញពាក់ព័ន្ធមានវិធានការ និងត្រួតពិនិត្យមើលទីតាំងខាងលើនេះក្នុងការចូលរួមចំណែកជាមួយនិងរាជរដ្ឋាភិបាលកម្ពុជាដើម្បីទប់ស្កាត់រាល់សកម្មភាពមិនប្រក្រតីណាមួយដែលអាចនឹងកើតឡើង ជារឿងដែលធ្វើផ្ទុយពីច្បាប់នៃព្រះរាជាណាចក្រកម្ពុជា។

 អង្គភាពសារព័ត៌មានរបស់យើងគឺជាកញ្ចក់ឆ្លុះបញ្ចាំងអំពីផលប្រយោជន៍សង្គម និងរង់ចាំទទួលប្រភពព័ត៌មានជាបន្តបន្ទាប់គ្រប់ពេលវេលាដើម្បីធ្វើការចេញផ្សាយអំពីសកម្មភាពនៃការកាប់គាស់កកាយរុករករ៉ែ របស់ឈ្មួញដែលស្ថិតនៅភូមិជ័យសេនា ឃុំតាកែន ស្រុកឈូក ខេត្តកំពត សូមអរគុណ.៕ ដោយ៖ នាគ ក្រហម